दाङको तुलसीपुरमा रहेको राप्ती प्रादेशिक अस्पतालबाट साढे ४ वर्षमा १३ हजार बढीले प्रसुती सेवा लिएका छन् । आर्थिक वर्ष २०७७/२०७८ देखि चालु आर्थिक वर्षको पुष मसान्तसम्म १३ हजार ३ सय ३८ जनाले प्रसुती सेवा लिएको अस्पतालले जनाएको छ । चालु आर्थिक वर्षको ६ महिनामा मात्रै १ हजार ४ सय ६६ जनाले प्रसुती सेवा लिएका छन् ।
चालु आर्थिक वर्षको साउनदेखि पौष मसान्तसम्ममा अस्पतालमा उपलव्ध रहेको प्रसुती सेवा अन्तर्गत रहेर प्रसुती सेवा लिएको स्पतालका सुचना अधिकारी भूषण सुवेदीले जानकारी दिनुभयो । सामान्य प्रसुति सेवा मार्फत १ हजार १ सय १३ जना, शल्यक्रिया मार्फत २ सय २८ जना र भ्याकुम फोरसेपमार्फत २५ जनाले सुत्केरी सेवा लिएका छन् । उहाँका अनुसार गत आर्थिक वर्ष २०८०/२०८१ मा २ हजार ३ सय ४९ जनाले प्रसुती सेवा लिएका थिए । यस वर्ष सामान्य प्रसुति सेवा मार्फत १ हजार ८ सय ७ जना, शल्यक्रिया मार्फत ४ सय ८६ जना र भ्याकुम फोरसेपमार्फत ५६ जनाले सुत्केरी सेवा लिएका छन् । उहाँका अनुसार गत आर्थिक वर्ष २०८०/२०८१ मा २ हजार ३ सय ४९ जनाले प्रसुती सेवा लिएका थिए । यस वर्ष सामान्य प्रसुति सेवा मार्फत १ हजार ८ सय ७ जना, शल्यक्रिया मार्फत ४ सय ८६ जना र भ्याकुम फोरसेपमार्फत ५६ जनाले सुत्केरी सेवा लिएका थिए ।
यस्तै आर्थिक वर्ष २०७९/२०८० मा सामान्य प्रसुति सेवा मार्फत २ हजार १ सय ४१ जना, शल्यक्रिया मार्फत ५ सय ३० जना र भ्याकुम फोरसेपमार्फत ५० जना गरी २ हजार ७ सय २१ जनाले सुत्केरी सेवा लिएका थिए । यस्तै आर्थिक वर्ष २०७८/२०७९ मा २ हजार ८ सय ८३ र आर्थिक वर्ष २०७७/२०७८ मा ३ हजार ९ सय १९ जनाले अस्पतालमा आएर सुत्केरी सेवा लिएको सुचना अधिकारी सुवेदीले जानकारी दिनुभयो ।
