काठमाडौं – जेनजी आन्दोलन झन् हिंसात्मक बन्दै गएको छ । ट्रमा सेन्टरमा उपचाररत चार घाइते प्रदर्शनकारीको मृत्यु भएको छ । यसअघि सिभिल अस्पतालमा एकजनाको मृत्यु भइसकेको थियो ।
अस्पताल स्रोतका अनुसार केहीलाई गोली लागेको छ तर अहिलेसम्म कति जनालाई गोली लागेको हो भन्नेबारे प्रष्ट विवरण आइसकेको छैन ।
दिउँसो साढे १२ बजेदेखि कर्फ्यू आदेश जारी भए पनि काठमाडौंका विभिन्न स्थानमा प्रदर्शन रोकिएको छैन । आन्दोलनकारी र प्रहरीबीच झडप अझै जारी छ ।
