कैलालीको घोडाघोडी नगरपालिका–१ लक्ष्मिपुरमा करेन्ट लागेर एक महिलाको मृत्यु भएको छ। बझाङबाट माईतिघर कैलाली आएकी ४२ वर्षीया कमला विकको मंगलवार मृत्यु भएको जिल्ला प्रहरी कार्यालय कैलालीले जनाएको छ।
जानकारी अनुसार कमला विक नल्काको मोटर चलाएर नुहाउने क्रममा करेन्ट लागेर गम्भीर घाइते भएकी थिइन्। उनलाई तुरुन्तै उपचारका लागि घोडाघोडी अस्पताल, सुखड लगिएको थियो। तर चिकित्सकले चेकजाँच गर्दा मृत घोषणा गरेका छन्।
घटनाबारे प्रहरीले थप अनुसन्धान गरिरहेको जनाएको छ।
