दाङको तुलसीपुरमा अटो भित्र बसेर पटाका पट्काउदा अटोमा आगलागी भएको छ । आगलागीबाट झण्डै ३५/४० हजार बराबरको क्षेती भएको अटो धनि बिर बहादुर रेउलेले जानकारी दिनुभयो । उहाँका अनुसार तुलसीपुर–७ गैरापातुस्थित आफ्नै घरमा पार्कीङ गरेर राखिरहेको रा १ ह २९६९ नम्बरको अटोमा स्थानिय ८/९ बर्षका बालकहरुले पटाका लिएर भित्र बसेर पट्काउन खोज्दा आगलागी भएको हो । आफु घरमा नभएको अवस्थामा अटोमा आगलागी भएको भन्दै उहाँले स्थानियले समयमै देखेर आगो नियन्त्रणमा लिएकाले ठुलो क्षेती हुनबाट जोगिएको बताउनुभयो ।
अटोमा रहेको एउटा ब्याट्री जलेको र बाहिरी भाग जलेर नष्ट भएको उहाँले बताउनुभयो । अटोका अन्य ब्याट्री जल्न नपाएकाले धेरै क्षेती हुन नपाएको उहाँको भनाई छ । यता इलाका प्रहरी कार्यालय तुलसीपुरका सूचना अधिकारी तथा प्रहरी निरीक्षक प्रकाश थापाले घटना सामान्य रहेको बताउनुभएको छ । बच्चाहरुले पटाका खेलाउदा आगलागी भएको हुनसक्ने भन्दै उहाँले अटोको विमा भएको अवस्थामा प्रहरीले घटनाको मुचुल्कासहित सिफारिस गरिदिने र विमाबाट पिडितले क्षेतीपुर्ती पाउनसक्ने बताउनुभयो ।
