२१ कात्तिक । त्रिभुवन अन्तर्राष्ट्रिय विमानस्थलबाट ५ किलो ७ सय ग्राम सुनसहित तीन जना विदेशी नागरिक पक्राउ परेका छन् । हिजो बेलुकी एयर अरेबियाको विमानमार्फत शारजाहबाट आएका चिनियाँ एक र म्यानमारका दुई जना सुनसहित पक्राउ परेका सशस्त्र प्रहरीले जनाएको छ ।
सशस्त्र प्रहरीका अनुसार उनीहरुलाई भन्सार ब्यागेज क्षेत्रमा पुनः जाँच गर्ने क्रममा लगेज भित्र राखेको १२ थान स्पिकरमा लुकाइराखेको अवस्थामा सुनसहित पक्राउ गरिएको हो । पक्राउ परेका तीनै जनालाई आवश्यक अनुसन्धानको लागि त्रिभुवन अन्तर्राष्ट्रिय विमान स्थल भन्सार कार्यालयमा राखिएको पनि सशस्त्र प्रहरीले जनाएको छ ।
