१० पुस
प्युठानको ऐरावती गाउँपालिका-५ बालिबिसौनामा ट्याक्टर दुर्घटना हुँदा सहचालकको मृत्यु भएको छ । प्रहरीका अनुसार ऐरावती-२, तेस्रापाटाका सहचालक २७ वर्षीय बिजय साप्कोटाको मृत्यु भएको हो ।
दुर्घटनामा सोही ठाउँका चालक २३ वर्षीय शान्तबहादुर रावत घाइते हुनुभएको छ । घाइते चालकको जिल्ला अस्पताल बिजुवारमा उपचार भइरहेको प्रहरी निरीक्षक निरन्जन रिजालले जानकारी दिनुभयो ।
हिजो मङ्गलबार साँझ गोठिवाङ्ग खोलादेखि ढुङ्गा बोकेर मल्लरानी -३ चौरपानीतर्फ जाँदै गरेको रा १ त ४४४५ नम्बरको ट्याक्टर दुर्घटना भएको निरीक्षक रिजालले जानकारी दिनुभयो ।
