कञ्चनपुर — कञ्चनपुरको बेदकोट नगरपालिका–९ कृषि चोकमा मोटरसाइकल र साइकल एकआपसमा ठोक्किँदा एक जनाको मृत्यु भएको छ।
दुर्घटनामा मोटरसाइकल चालक ३५ वर्षीय श्याम दमाईको ज्यान गएको जिल्ला प्रहरी कार्यालय कञ्चनपुरले जनाएको छ। उनी म २ प ४९९७ नम्बरको मोटरसाइकल चलाइरहेका थिए।
प्रहरीका अनुसार आइतबार राति भएको दुर्घटनापछि साइकल चालक फरार छन् र उनको खोजी भइरहेको छ। घटनाबारे थप अनुसन्धान जारी छ।
