झापाको दमक–४ चियाबगानस्थित आज बिहान एक यात्रुबाहक बसको ठक्करबाट एक जना साइकलयात्रीको मृत्यु भएको छ।
पूर्व–पश्चिम राजमार्गमा उर्लाबारीबाट दमकतर्फ जाँदै गरेको प्रदेश नं १–०१–००१ ख ४३६३ नम्बरको बसले विपरीत दिशाबाट ताराबारीतर्फ जाँदै गरेका साइकलयात्रीलाई ठक्कर दिएको हो। दुर्घटनामा परेका दमक–४ घरघरे निवासी ६० वर्षीय सोमबहादुर विक गम्भीर घाइते भएका थिए।
प्रहरी नायब उपरीक्षक (प्रनाउ) खगेन्द्रबहादुर खड्काका अनुसार विकलाई तत्कालै उपचारका लागि दमक अस्पताल पुर्याइएको थियो तर उपचारको क्रममा उनको मृत्यु भएको हो।
