अछाम – मङ्गलसेन–रामारोशन सडकखण्डअन्तर्गत मङ्गलसेन नगरपालिका–१० लुगाडा स्थित कुटि नजिक बस दुर्घटना हुँदा ५ जना घाइते भएका छन्।
दुर्घटनामा चालक भक्त बुढामगर (ढकारी) गम्भीर घाइते भएका छन्। अन्य घाइतेमा दिलिप रावलका १५ वर्षीय छोरा रोशन रावल, सोही परिवारका १४ वर्षीय विरेन्द्र रावल, काले बिकका ८ वर्षीय छोरा अङ्कित बिक र खकेन्द्र कडायतका १६ वर्षीय छोरा उमेश कडायत रहेका छन्।
घाइतेहरूको अवस्था मध्यमदेखि गम्भीर रहेको बताइएको छ। उनीहरूको उपचार भइरहेको छ।
