कञ्चनपुर प्रहरीले भारतबाट भन्सार छली ल्याइएका अवैध सामान बरामद गरेको छ।
शनिवार बेलौरी नगरपालिका–१ खल्ला र पुनर्वास नगरपालिका–८ कंकड क्षेत्रबाट अन्दाजी ३२ हजार ८ सय रुपैयाँ बराबरका सामान प्रहरीले नियन्त्रणमा लिएको हो।
जिल्ला प्रहरी कार्यालय कञ्चनपुरका अनुसार बरामद सामानमा पेय पदार्थ, बोइलर कुखुरा, माछा लगायत रहेका छन्।
प्रहरीका अनुसार सबै सामान बेवारिसे अवस्थामा फेला परेका हुन्।
