जेनजीहरूको आन्दोलनका क्रममा सोमबार १९ जनाको ज्यान गएपछि खानेपानीमन्त्री प्रदीप यादवले पदबाट राजीनामा दिएका छन्।
मन्त्री यादवले प्रिय युवा भाईबहिनीहरू तपाईं नै मेरो प्रथम सहयोगी र उर्जाका सुत्रधार हुनुहुन्छ भन्दै जेनजी आन्दोलनको समर्थन र सरकारले गरेको दमनको विरोधस्वरूप राजीनामा घोषणा गरेका हुन्।
यसअघि कांग्रेसका तर्फबाट कृषिमन्त्री रामनाथ अधिकारीले राजीनामा घोषणा गरिसकेका छन् भने स्वास्थ्यमन्त्री प्रदीप पौडेलले पनि राजीनामा दिने तयारी गरेका छन्।
