सूर्यदेवको आराधना आरम्भ चारदिनीय छठ पर्व आजदेखि नहाय–खायसहित विधिवत् सुरू

सूर्यदेवको आराधना तथा सन्तानको दीर्घायु, सुख–समृद्धि र कल्याणको कामनासहित मनाइने चारदिनीय छठ पर्व आजदेखि देशभर श्रद्धा र भक्तिपूर्वक रूपमा सुरू भएको छ।

पहिलो दिन आज ‘नहाय–खाय’ मनाइँदैछ। आजको दिन ब्रतालुहरूले नदी, पोखरी वा खोलामा स्नान गरी शुद्ध भएर अरवा–अर्बाइन भोजन ग्रहण गर्ने परम्परा छ।

भोलि आइतबार दोस्रो दिन ‘खरना’ मनाइनेछ। यस दिन साँझ ब्रतालुहरूले चामल, सक्खर र दूधबाट तयार गरिएको खीरलाई प्रसादस्वरूप ग्रहण गरी खरना विधि सम्पन्न गर्छन्।

तेस्रो दिन सोमबार छठको मुख्य दिन ‘साँझकारक’को रूपमा मनाइनेछ। यस दिन अस्ताउँदो सूर्यलाई पूजा सामग्रीसहित जलाशय किनारमा अर्घ्य दिने परम्परा छ।

अन्तिम दिन मंगलबार बिहान उदाउँदो सूर्यलाई अर्घ्य दिएपछि छठ पर्वको विधिवत् समापन हुनेछ। यो दिनलाई ‘पारन’ भनिन्छ।