धनुषा — धनुषाको जनकपुर–ढल्केबर सडकखण्डमा एक युवक मृत अवस्थामा फेला परेका छन्। क्षिरेश्वरनाथ नगरपालिका–२ रमदैया स्थित पूर्वपट्टि सडक छेउमा वडा नम्बर ५ बस्ने ३५ वर्षीय आजिम कवारीको शव स्थानीयले बिहानीपख देखेका हुन्।
शव देखेपछि स्थानीयले प्रहरीलाई जानकारी गराएका थिए। सूचना पाएपछि इलाका प्रहरी कार्यालय सखुवा महेन्द्रनगरबाट पुगेको टोलीले घटनास्थलको मुचुल्का उठाई शवलाई पोस्टमार्टमका लागि प्रादेशिक अस्पताल जनकपुर पठाएको जनाएको छ।
इलाका प्रहरी कार्यालय सखुवा महेन्द्रनगरका प्रमुख प्रहरी निरीक्षक राजाराम यादवका अनुसार घटनाबारे थप अनुसन्धान भइरहेको छ।
