सुर्खेतको वीरेन्द्रनगर-१२ चाँदनी चौकमा सैनिक आवासीय विद्यालयको गाडीले मोटरसाइकललाई ठक्कर दिँदा एकजनाको मृत्यु भएको छ। नेवारेतर्फ गइरहेको सैनिक आवासीय महाविद्यालय, मंगलगढीको बा.प्र.०१००४ क ५५७४ नम्बरको बसले भे. ८ प. ४२९ नम्बरको मोटरसाइकललाई ठक्कर दिएको प्रहरीले जनाएको छ।
दुर्घटनामा गम्भीर घाइते भएका वीरेन्द्रनगर-७का अन्दाजी २३ वर्षीय महेश सापकोटाको उपचारका क्रममा प्रदेश अस्पतालमा मृत्यु भएको हो। घटनापछि प्रहरीले बससहित चालकलाई नियन्त्रणमा लिएर आवश्यक अनुसन्धान सुरु गरेको छ।
