दार्चुलामा प्रहरीले अवैध रूपमा भन्सार छली गरी ल्याइएका विभिन्न सामानहरू नियन्त्रणमा लिएको छ। सोमबार साँझ महाकाली नगरपालिका–४ स्थित बसपार्क क्षेत्रमा गरेको चेकजाँचका क्रममा प्रहरीले ती सामान बरामद गरेको हो।
जिल्ला प्रहरी कार्यालय दार्चुलाबाट खटिएको प्रहरी टोलीले करिब ४३ हजार ३०० रुपैयाँ बराबरका सामग्री नियन्त्रणमा लिएको जिल्ला प्रहरी कार्यालय दार्चुलाका प्रहरी निरीक्षक तथा सूचना अधिकारी हेमराज भट्टले जानकारी दिए।
उनका अनुसार बरामद गरिएको सामानमा बिँडी, स्विटर, सुटपिस, चप्पललगायतका सामग्री रहेका छन्। प्रहरीले बरामद गरिएको सामान आवश्यक कारबाहीको लागि सम्बन्धित निकायमा पठाउने तयारी गरिरहेको जनाएको छ।
