कैलालीको अत्तरिया बजारबाट खैरो हेरोइनसहित दुई जना पक्राउ परेका छन्। बिहीबार साँझ विशेष सूचनाका आधारमा इलाका प्रहरी कार्यालय मालाखेतीबाट खटिएको प्रहरी टोलीले बझाङ, जयपृथ्वी नगरपालिका–१० का २२ वर्षीय बिषाल सिंह र २० वर्षीय धर्मेन्द्र सुनारलाई नियन्त्रणमा लिएको हो।
गोदावरी नगरपालिका-२ अत्तरिया बजार क्षेत्रमा शंकास्पद रुपमा हिँडिरहेको अवस्थामा फेला परेका उनीहरूको चेकजाँच गर्ने क्रममा बिषाल सिंहको साथबाट कालो प्लास्टिकमा लुकाइ-छिपाइ राखिएको ७ ग्राम ६८० मिलिग्राम खैरो हेरोइन बरामद गरिएको प्रहरीले जनाएको छ।
दुवै जनालाई नियन्त्रणमा लिएर थप अनुसन्धानका लागि इलाका प्रहरी कार्यालय मालाखेतीमा राखिएको प्रहरीले जनाएको छ।
