रामेछापको मन्थली नगरपालिका-९ पुरानागाउँ, बाङ्गेसल्लामा चितुवाको आक्रमणबाट एक महिलाको ज्यान गएको छ। स्थानीय थानसिँगे साइँली भनेर चिनिने ६६ वर्षीया गंगामाया तामाङको गएराति भएकाे आक्रमणमा मृत्यु भएको जिल्ला प्रहरी कार्यालय रामेछापका प्रमुख भोला भट्टले जानकारी दिए।
प्रहरीका अनुसार गंगामायाको शव क्षतविक्षत अवस्थामा फेला परेको छ। घटना कसरी भयो भन्नेबारे वास्तविकता प्रहरी अनुसन्धानपछि मात्र खुल्ने भन्दै थप अनुसन्धानका लागि प्रहरी टोली घटनास्थल पठाइएको रामेछाप प्रहरीले जनाएको छ।










