धनगढीबाट लागूऔषधसहित दुई जना पक्राउ परेका छन्। धनगढी उपमहानगरपालिका-३ त्रिनगरबाट धनगढी उपमहानगरपालिका-२ रैका टोलका २३ वर्षीय विकास सेवा र धनगढी उपमहानगरपालिका-८ का ३२ वर्षीय प्रदीप योगी पक्राउ परेका हुन्।
जिल्ला प्रहरी कार्यालय कैलालीका अनुसार पक्राउ परेका विकास सेवाको साथबाट १ ग्राम १८० मिलिग्राम र प्रदीप योगीको साथबाट ५ ग्राम ९२० मिलिग्राम लागूऔषध खैरो हेरोइन बरामद गरिएको छ।
उनीहरूलाई वडा प्रहरी कार्यालय धनगढीबाट खटिएको प्रहरी टोलीले नियन्त्रणमा लिएको हो। पक्राउ परेका दुवै जनामाथि लागूऔषध सम्बन्धी मुद्दामा आवश्यक अनुसन्धान अगाडि बढाइएको प्रहरीले जनाएको छ।
