२७ मंसिर
सिमेन्ट उद्योगी व्यवसायीहरू सिमेन्टको मूल्य घटाउन सहमत भएका छन् । हिजो निर्माण व्यवसायी महासङ्घ र सिमेन्ट उत्पादक सङ्घबीच उद्योग मन्त्रालयमा भएको छलफलमा सिमेन्टको मूल्य घटाउने सहमति भएको हो । निर्माण व्यवसायी महासङ्घका अध्यक्ष रवि सिंहले काठमाण्डौ उपत्यकामा ओपीसी सिमेन्ट सात सय रुपैयाँमा उपलब्ध गराउने सिमेन्ट व्यवसायीहरूले प्रतिबद्धता गरेको बताउनु भयो ।
यस्तै काठमाण्डौ उपत्यकामा अब पीपीसी सिमेन्ट छ सय रुपैयाँमा पलब्ध हुनेछ । आफूहरूले सिमेन्ट उद्योगीहरू धराशायी हुने गरेर बजार भाउ नघटाउन र निर्माण व्यवसायीलाई मार पर्ने गरी नबढाउन सुझाव दिएको सिंहको भनाइ छ । सिमेन्टको मूल्य बोराको सात सय ८० रुपैयाँसम्म पुगेको थियो ।
