कञ्चनपुर — भारतबाट लागू औषध लिएर नेपाल प्रवेश गर्दै गरेका एक युवक कञ्चनपुरमा पक्राउ परेका छन्।
पक्राउ पर्ने व्यक्ति धनगढी उपमहानगरपालिका–५ शिवनगरका ३३ वर्षीय इन्द्र ध्वज बम हुन्। आइतबार कञ्चनपुरको पुनर्वास नगरपालिका–११ डोके बजार नाकाबाट नेपाल आउँदै गर्दा उनलाई प्रहरीले नियन्त्रणमा लिएको हो।
बमले चढेको से ७ प ८८५ नम्बरको मोटरसाइकल जाँच गर्ने क्रममा प्रहरीले उनको साथबाट ७०० मिलिग्राम खैरो हेरोइन (ब्राउन सुगर) बरामद गरेको जानकारी दिएको छ।
हाल उनलाई थप अनुसन्धानका लागि नियन्त्रणमा राखिएको प्रहरीले जनाएको छ।
