काठमाडौं – जेनजी प्रदर्शनमा प्रहरीको गोली लागेर एक जनाको मृत्यु र दर्जनौं घाइते भएपछि राष्ट्रिय स्वतन्त्र पार्टी (रास्वपा) ले आकस्मिक बैठक बोलाएको छ।
पार्टीका प्रवक्ता मनिष झाका अनुसार दिउँसो ४ बजेका लागि सचिवालय बैठक बोलाइएको हो। उनले भने जेनजी प्रदर्शन र त्यसमा भएको दमनबारे छलफल गर्न बैठक बोलाइएको हो।
सोमबार संसद भवन घेराउ गर्ने क्रममा प्रदर्शनकारी र प्रहरीबीच झडप हुँदा प्रहरीले गोली चलाएको थियो। गोली लागेर एकजनाको मृत्यु भएको छ भने करिब ७०–८० जना घाइते भएका छन्। घाइतेहरूको नयाँ बानेश्वरस्थित सिभिल अस्पतालसहित विभिन्न अस्पतालमा उपचार भइरहेको छ।
घटनापछि नयाँ बानेश्वर क्षेत्रमा कर्फ्यु लगाइएको भए पनि प्रदर्शनकारी अझै आक्रोशित भएर सडकमा उत्रिरहेका छन्।
