पोखरा – जेनजी आन्दोलनरत प्रदर्शनकारीले आज पोखरास्थित गण्डकी प्रदेशका मुख्यमन्त्री कार्यालय घेराउ गरेका छन् ।
प्रदर्शनकारीले कार्यालय घेराउ गरेपछि स्थिति तनावपूर्ण बनेको छ । प्रहरी र प्रदर्शनकारीबीच लगातार झडप भइरहेको छ । प्रहरीले भीड नियन्त्रण गर्न बल प्रयोग गरेको र प्रदर्शनकारीले नाराबाजीसहित ढुंगामुढा गरेका छन् भन्ने जानकारी आएको छ ।
घटनास्थलमा थप सुरक्षाकर्मी परिचालन गरिएको छ । हालसम्म घाइते वा क्षतिको विस्तृत विवरण सार्वजनिक भएको छैन ।
