नेपालमा जारी जेन–जी आन्दोलनपछि सुदूरपश्चिमको गड्डाचौकीसहितका सीमा नाकामा भारतीय सीमा सुरक्षा बल (एसएसबी)ले कडाइ गरेको छ। हाल नेपाली नागरिकलाई भारत प्रवेशमा रोक लगाइएको जिल्ला प्रहरी कार्यालयका प्रवक्ता डिएसपी सागर बोहराले जानकारी दिएका छन्।
उनका अनुसार भारत फर्किने नेपालीलाई अनिवार्य रूपमा नेपाली परिचयपत्र देखाउनुपर्ने र भारततर्फ जानेको हकमा भारतीय आधार कार्ड चाहिने भए पनि नेपालीलाई प्रवेश अनुमति दिइएको छैन।
यसैबीच बुधबार भारतीय एसएसबीले कारागारबाट भागेर भारत प्रवेश गर्न लागेका चार जनालाई नियन्त्रणमा लिएर नेपाल प्रहरीलाई बुझाएको छ।
