सामाजिक सञ्जाल बन्द र शासकीय अव्यवस्थाविरुद्ध भएको जेन–जीको आन्दोलनमा मृत्यु हुनेको संख्या ३४ पुगेको छ। स्वास्थ्य मन्त्रालयले विभिन्न अस्पतालबाट संकलित विवरण सार्वजनिक गर्दै मृतक संख्या ३४ पुगेको जनाएको हो।
मन्त्रालयका प्रवक्ता डा. प्रकाश बुढाथोकीका अनुसार देशभर विभिन्न अस्पतालमा १३६८ जना घाइते उपचाररत छन्। जसमध्ये ३२१ जना अझै उपचारमा छन् भने ९४९ जना डिस्चार्ज भइसकेका छन्।
काठमाडौंको सिभिल अस्पतालमा ६, राष्ट्रिय ट्रमा सेन्टरमा ८, भेरी अस्पतालमा ५, एभरेष्ट र फ्रन्टलाइन अस्पतालमा ३–३, केएमसी अस्पतालमा २, बीपी कोइराला स्वास्थ्य विज्ञान प्रतिष्ठानमा २, बयोधा अस्पतालमा २ तथा त्रिवि शिक्षण, इलाम र बिएनसी अस्पतालमा एक–एक जनाको मृत्यु भएको छ।
नयाँ बानेश्वरस्थित संसद् भवन अगाडि प्रदर्शनकारीहरूले घेरा तोडेपछि प्रहरीसँग भएको झडपमा गोली प्रहार भएको थियो। सो क्रममा घाइते भएकामध्ये कैयौंको बाटैमा वा अस्पतालमा उपचारकै क्रममा ज्यान गएको हो।
