जेनजी आन्दोलनका क्रममा सुन्धारास्थित केन्द्रीय कारागारबाट फरार भएका एक कैदी भक्तपुरमा पक्राउ परेका छन्।
रामेछाप मन्थली नगरपालिका–३ का २२ वर्षीय देवबहादुर बस्नेत (विष्णु) भक्तपुर नगरपालिका–८ लिवालीबाट पक्राउ परेका हुन्। उनी लागुऔषध मुद्दामा दोषी ठहर भई २ वर्ष कैद र १ लाख रुपैयाँ जरिवाना सजाय पाएका थिए।
छ महिनाको कैद अवधि बाँकी रहँदै गत २४ भदौमा जेनजी आन्दोलनको मौका पारेर उनी जेलबाट फरार भएका थिए।
प्रहरी सहायक निरीक्षक भैरव रावलको कमान्डमा खटिएको टोलीले बस्नेतलाई नियन्त्रणमा लिएर प्रहरी वृत्त जगातिमा राखेको जनाएको छ।
