गोदावरी नगरपालिका-५ निवासी जयन्द्र रमेश जिजिकोटाको व्रतबन्ध आइतबार वैदिक विधिअनुसार भव्य रूपमा सम्पन्न गरिएको छ। विहानैदेखि सुरु भएको समारोह ब्राह्मण, गुरुजन, परिवारजन तथा स्थानीयबासीहरूको उल्लेखनीय उपस्थितिमा सम्पन्न भएको हो।
सम्पूर्ण वेद-मन्त्र, यज्ञ, होम तथा संस्कारिक विधिहरू चारजना विद्वान् ब्राह्मणहरूले सम्पन्न गरेका थिए। कार्यक्रममा पशुपति-कोटी होमका व्यास आसनमा पुराण प्रवचन गरिसकेका आचार्य, साहित्याचार्य तथा दलितकुल शिरोमणि कृष्णबहादुर दमाई, ज्योतिषाचार्य तथा शुक्ल यजुर्वेदाचार्य, अन्तर्राष्ट्रिय ब्राह्मण संगठनका प्रदेश–जिल्ला संयोजक तथा पिठाधीश्वर गणेशप्रसाद पन्तको विशेष उपस्थिति रहेको थियो।
मालिका विद्यापीठ गुरुकुल, टिकापुर-कैलालीबाट प्रशिक्षित वैदिक पुरोहित सुरेश पार्की (सनातनी आर्य) र स्थानीय अगुवाहरूको सहभागिताले समारोहलाई अझै गरिमामय बनाएको थियो।
आचार्यहरूले जयन्द्रलाई उपनयन, यज्ञोपवीत, गुरु-उपदेशलगायत ब्रह्मचर्य जीवनका आधारभूत अनुशासनहरू सम्बन्धमा शिक्षा दिँदै उज्ज्वल भविष्यको आशीर्वाद प्रदान गरे।
व्रतबन्ध समारोहमा जिजिकोटा परिवारका सदस्यहरूको विशेष उपस्थिति रहेकामा मुल बाज्या रुप बहादुर जिजिकोटा, बड्डा बाज्या विरभान्या जिजिकोटा, बाज्या ददिमल्या तथा मुने ददिमल्या, बजेइ बिसुमति जिजिकोटा, बुवा रमेश जिजिकोटा, आमा वसन्ति जिजिकोटा, माइला बुवा नयन जिजिकोटा, माइलि मम्मि दुर्गा जिजिकोटा, कान्छा बुवा राजेश जिजिकोटा, कान्छि मम्मि रेस्मि जिजिकोटा, भाइ अमरित, कैलाश, युराज, साहिल र बहिनीहरू सगिता साउके, वर्शा तथा सेजल जिजिकोटा, ज्वाइँ प्रकाश साउके तथा भान्ज-भान्जी श्रीयान्स र दृष्टि साउके रहेका थिए।
अभिभावक रमेश जिजिकोटा र वसन्ति जिजिकोटाले छोराको व्रतबन्ध परिवारका पिँढी–पिँढीले जोगाउँदै ल्याएको धार्मिक, सांस्कृतिक पहिचानको निरन्तरता भएको बताउँदै यो दिन आफ्नो जीवनकै गर्विलो क्षण भएको प्रतिक्रिया जनाए।
समारोहमा वेद–मन्त्रको ध्वनि, यज्ञको सुगन्ध, टिका–अक्षता, पुष्प तथा आशीर्वादले वातावरण भक्तिभावपूर्ण बनेको थियो। अतिथिहरूका लागि स्वागत–सम्मान तथा प्रसाद वितरणको व्यवस्था पनि गरिएको थियो।
स्थानीय समुदायका अनुसार व्रतबन्धजस्ता वैदिक संस्कारहरूले युवापुस्तामा अनुशासन, संस्कार र कर्तव्यबोध जागृत गराउन मद्दत पुग्ने भएकाले सामाजिक विकासका दृष्टिले पनि महत्वपूर्ण मानिन्छ।
गुरुजन, आचार्य तथा परिवारजनहरूले जयन्द्र जिजिकोटालाई विद्या, विवेक, आचरण र प्रगतिका लागि शुभकामना दिँदै सत्य, धर्म र अनुशासनको मार्ग पछ्याउन प्रेरित गरेका थिए। समारोह सांस्कृतिक कार्यक्रम, फोटोसेसन र पारिवारिक भोजसहित साँझतिर सम्पन्न भयो।
