भारतीय प्रधानमन्त्री नरेन्द्र मोदीले राष्ट्रिय स्वतन्त्र पार्टीका सभापति रवि लामिछाने र वरिष्ठ नेता बालेन शाहलाई फोन गरेर बधाई दिएका छन्।
मोदीले सामाजिक सञ्जाल एक्स (ट्विटर) मार्फत यसबारे जानकारी दिएका हुन्। उनले रवि लामिछाने र बालेन शाहसँग फोनमा कुराकानी भएको उल्लेख गर्दै निर्वाचनमा प्राप्त सफलताका लागि बधाई दिएको बताएका छन्।
मोदीले नेपाल र भारतबीचको सम्बन्ध अझ मजबुत बनाउने प्रतिबद्धता पनि व्यक्त गरेका छन्। दुई देशको साझा समृद्धि, प्रगति र हितका लागि मिलेर काम गर्न भारत तयार रहेको उनले बताएका छन्।
संयुक्त प्रयासबाट भारत र नेपालबीचको सम्बन्धले नयाँ उचाइ पाउनेमा आफू विश्वस्त रहेको मोदीले उल्लेख गरेका छन्।
