दाङमा कार दुर्घटना हुँदा दुई जना गम्भीर घाइते भएका छन् ।
दुर्घटनामा तुलसीपुर उपमहानगरपालिका–७, झुमरे चोकका ३३ वर्षीय पूर्ण बहादुर खत्री र तुलसीपुर-६ का ४५ वर्षका कर्णबहादुर थापा गम्भीर घाइते भएको ईलाका प्रहरी कार्यालय तुलसीपुरका प्रवक्ता प्रहरी निरीक्षक प्रकाश थापाले जानकारी दिनुभयो ।
खत्रीकाे शरीरभरि चोट लागेको र अवस्था गम्भीर रहेको प्रहरीले जनाएको छ। थापाकाे पनि शरीरमा धेरै चोट लागेको छ।दुवै जनालाई उपचारका लागि लमही अस्पताल पठाइएको छ। तुलसीपुरबाट अमिलिया जाँदै गरेको बा १६ च ७६४३ नम्बरको कार लमही-९ अम्राईखाेला नजिक दुर्घटनामा परेको हाे । कार करिब २५० मिटर तल खसेकाे छ ।
