नेपालगन्जमा गएराति भएको मोटरसाइकल दुर्घटनामा एक जनाको ज्यान गएको छ ।
बसपार्क बाइपास रोड नजिक भे ६ प ८०२ र ज ३ प ७१७१ नम्बरको मोटरसाइकल ठोक्किँदा नेपालगन्ज–६ का २६ वर्षीय अमनकुमार कसौधनको ज्यान गएको जिल्ला ट्राफिक प्रहरी कार्यालयका प्रमुख प्रहरी निरीक्षक पुष्कर पन्तले जानकारी दिनुभयो । उहाँका अनुसार दुर्घटनामा नेपालगन्ज–११ का १८ वर्षीय एहसान शेख घाइते भएका छन् ।
शेखको भेरी अस्पतालमा उपचार हुन नसकेपछि थप उपचारका लागि भारतको लखनउ रिफर गरिएको छ । ज्यान गुमाउने कसौधन र घाइते शेख मोटरसाइकलका चालक हुन् ।
