रसुवाको गोसाइँकुण्डमा डुबेर बेपत्ता भएका दुई युवकको शव फेला परेको छ।
आइतबार दिउँसो स्नान गर्ने क्रममा डुबेका मोरङ बेलबारी नगरपालिका–४ निवासी अन्दाजी २५ वर्षीय मनोज न्यौपाने र विराटनगरका अन्दाजी २९ वर्षीय सुजन ढकालको शव आज बिहान निकालिएको नेपाली सेनाले जनाएको छ।
बेपत्ता भएपछि नेपाली सेनाको उद्धार टोली आइतबार राति नै चन्दनबारी हुँदै घटनास्थल पुगेर नाइट हल्ट गरेको थियो।
आज बिहान ७:३० बजे सुरु गरिएको उद्धार कार्यमा अविरल वर्षाका बीच निरन्तर प्रयास गर्दै बिहान १०:०५ बजे दुवै जनाको शव कुण्डबाट निकालिएको हो।
शवलाई पोष्टमार्टमका लागि पठाउने तयारी भइरहेको रसुवा प्रहरीले जनाएको छ।
धार्मिकस्थल गोसाइँकुण्डमा हरेक वर्ष साउन महिनामा ठूलो संख्यामा श्रद्धालु स्नान गर्न पुग्ने गर्छन्।
