काठमाडौं – कृषिमन्त्री रामनाथ अधिकारीले पदबाट राजीनामा दिएका छन्। आइतबारको आन्दोलनमा भएको दमन, हत्या र बल प्रयोगलाई तानाशाहीतर्फ उन्मुख भएको भन्दै उनले सरकारसँग असहमति जनाउँदै राजीनामा पेश गरेका हुन्।
मन्त्री अधिकारीले लोकतन्त्रमा शान्तिपूर्ण विरोध र प्रश्न सोध्नु नागरिकको अधिकार भए पनि त्यसको बदला हत्या र दमन भएको भन्दै क्षमायाचना गरेका छन्। उनले भने देश निर्माणमा सहकार्य गर्नुपर्ने पुस्तासँग युद्ध जस्तो व्यवहार गर्नु सह्य भएन।
साना बालबालिकासहित सर्वसाधारणको हत्या र दमनले देश शोकाकूल भएको बताउँदै अधिकारीले सरकारमा बसिरहनु आफ्नो नैतिकताको विपरीत भएको उल्लेख गरेका छन्। उनले सरकारको अलोकतान्त्रिक कदमप्रति आपत्ति जनाउँदै राजीनामा दिएको स्पष्ट पारेका छन्।
