काठमाडौंस्थित प्रहरी वृत्त महाराजगञ्जमा कार्यरत दुई प्रहरीको मंगलबार ज्यान गएको छ। जेनजी आन्दोलनका क्रममा भएको आक्रमणमा परेर एक असई र अर्का एक प्रहरीको मृत्यु भएको प्रहरीले पुष्टि गरेको छ।
नेपाल प्रहरीका केन्द्रीय प्रवक्ता डीआईजी विनोद घिमिरेका अनुसार अन्य स्थानमा कति प्रहरीको मृत्यु भएको छ भन्ने यकिन विवरण अझै प्राप्त भएको छैन। घटनाबारे थप अनुसन्धान जारी छ।
