पोखरा नयाँबजारस्थित नेपाल अटोमोबाइल एशोसिएसनका केन्द्रीय अध्यक्ष ध्रुव थापाको घरमा आगलागी हुँदा एक महिलाको मृत्यु भएको छ।
मंगलबार आन्दोलनकारीले गण्डकी प्रदेशका मन्त्री तथा व्यवसायी बिन्दुकुमार थापा र उनका परिवारको घर तथा व्यापारिक प्रतिष्ठानमा आगजनी गरेका थिए। सो क्रममा ध्रुव थापाको गाडी सोरुम र घरसमेत जलाइएपछि त्यही घरमा काम गर्ने एक महिलाको जलेको अवस्थामा शव फेला परेको प्रहरीले जनाएको छ।
शव पोस्टमार्टमका लागि पठाइएको र घटनाबारे थप अनुसन्धान भइरहेको प्रहरीले जानकारी दिएको छ।
