धनगढीमा कार दुर्घटना हुँदा चालकसहित चार जना घाइते भएका छन्। गएराति करिब १ बजे धनगढी उपमहानगरपालिका–१३ मोहनपुरस्थित धनगढी–अत्तरिया छ लेन सडकखण्डमा से १ च १७२५ नम्बरको कार दुर्घटना भएको हो।
दुर्घटनामा कञ्चनपुरको कृष्णपुर नगरपालिका निवासी ४७ वर्षीय चालक भोजराज राना, भीमदत्त नगरपालिका–१४ का ३७ वर्षीय उपदेश ठाकुर, धनगढी उपमहानगरपालिका–४ की २८ वर्षीया सनिशा चौधरी र ३५ वर्षीय रामशरण राना घाइते भएका हुन्।
कैलाली प्रहरीका प्रवक्ता डीएसपी राजकुमार सिंहका अनुसार चालक रानाको अवस्था गम्भीर रहेको छ भने अन्य तीन जना खतरामुक्त छन्। चालक रानाको नवजीवन अस्पतालमा र अन्य तीन जनाको माया मेट्रो अस्पतालमा उपचार भइरहेको प्रहरीले जनाएको छ।
