मोरङको मिक्लाजुङ गाउँपालिका–८ दुर्दिम्बामा बुवाले आफ्नै छोराको गोली हानी हत्या गरेका छन्।
भदौरेका ५२ वर्षीय बखतसिंह लिम्बूले आइतबार दिउँसो ३ः२० बजे आफ्नै १७ वर्षीय छोरा सफल सिंघकलाई भरुवा बन्दुकबाट गोली प्रहार गरी हत्या गरेका हुन्।
मादक पदार्थ सेवन गरेका बखतसिंहले घर पछाडिको बारीमा करिब १०० मिटर टाढाबाट गोली प्रहार गरेको प्रहरीले जनाएको छ। दाहिने कुम, कञ्चट र छातीमा गोली लागेका सफलको घटनास्थलमै मृत्यु भएको जिल्ला प्रहरी कार्यालय मोरङका प्रहरी नायब उपरीक्षक अनिषकुमार कर्णले जानकारी दिएका छन्।
प्रहरीले बखतसिंहलाई घटनास्थलमै भरुवा बन्दुकसहित नियन्त्रणमा लिएको छ भने मृतकको शव परीक्षणका लागि बीपी कोइराला स्वास्थ्य विज्ञान प्रतिष्ठान, धरान पठाइएको जनाएको छ।
