जुम्लामा करेन्ट लागेर एक व्यक्तिको मृत्यु भएको छ। चन्दननाथ नगरपालिका–१ आचार्यवाडा घर भई पातारासी गाउँपालिका–५ लासी बजारमा होटल सञ्चालन गर्दै आएका ३१ वर्षीय अर्जुन महतराको आइतबार राति करेन्ट लागेर मृत्यु भएको प्रहरीले जनाएको छ।
महतराले आफ्नै घरमा सीसीटीभी क्यामेरा जडान गर्ने क्रममा करेन्ट लागेको बताइएको छ। गम्भीर घाइते भएका उनलाई उपचारका लागि कर्णाली स्वास्थ्य विज्ञान प्रतिष्ठान, जुम्ला लगिएको थियो। तर उपचारकै क्रममा उनको मृत्यु भएको प्रहरीले जानकारी दिएको छ।
