प्रधानमन्त्री सुशीला कार्कीले आज (बुधबार) दिउँसो ४ बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा राजनीतिक दलहरूसँग छलफल गर्ने भएकी छन्। प्रधानमन्त्रीको सचिवालयले दिएको जानकारी अनुसार निर्वाचन आयोगमा दर्ता भएका सबै दललाई सरकारका कामकारबाही र आगामी प्राथमिकताबारे जानकारी दिन छलफल आयोजन गरिएको हो।
निर्वाचनको वातावरण बनाउनका लागि यसअघि पनि प्रधानमन्त्री कार्कीले विभिन्न दलका प्रतिनिधिहरूसँग संवाद गरिसकेकी थिइन्। तर शीर्ष नेताहरूसँग भने उनी हालसम्म प्रत्यक्ष छलफलमा बसेकी छैनन्।
आजको बैठकले आगामी निर्वाचन तयारी, सरकारको योजना र दलहरूसँगको सहकार्यलाई थप स्पष्ट बनाउने अपेक्षा गरिएको छ।
