अछाम जिल्लामा एक किशोर मृत फेला परेका छन्। मंगलसेन नगरपालिका-१० जुपूका १८ वर्षीय निलेश दमाईको शव सिलवडा-कैलाशखोला जोड्ने कच्ची सडकखण्डमा फेला परेको जिल्ला प्रहरी कार्यालय अछामले जनाएको छ।
प्रहरीले घटनास्थलको मुचुल्का उठाई आवश्यक अनुसन्धान अघि बढाएको जनाएको छ। मृतक कसरी उक्त स्थानमा पुगे, मृत्युको कारण के हो भन्नेबारे अनुसन्धान जारी रहेको प्रहरीले बताएको छ।
स्थानीयले बिहान सडकछेउमा शव देखेपछि प्रहरीलाई खबर गरेको जनाइएको छ। घटनाले स्थानीय क्षेत्रमा त्रास फैलिएको छ।











