राष्ट्रिय स्वतन्त्र पार्टी (रास्वपा) ले प्रतिनिधिसभा निर्वाचनमा जितको खाता खोलेको छ।
भर्खरै सम्पन्न मतगणनाको अन्तिम परिणामअनुसार रास्वपाकी उम्मेदवार रञ्जु न्यौपाने (दर्शना) १५ हजार ४५५ मतसहित विजयी भएकी छन्।
उनकी निकटतम प्रतिद्वन्द्वी नेपाली कांग्रेसका उम्मेदवार प्रबल थापाले ६ हजार ३६४ मत प्राप्त गरेका छन्।
त्यस्तै राष्ट्रिय प्रजातन्त्र पार्टीका उम्मेदवार रवीन्द्र मिश्रले ३ हजार ९७२ मत प्राप्त गरेका छन्।
अघिल्ला दुई निर्वाचनमा झिनो मतान्तरले पराजित हुँदै आएका मिश्र यसपटक पनि विजयी हुन सकेनन्। रास्वपाकी उम्मेदवार न्यौपानेको जितसँगै पार्टीले यस निर्वाचनमा पहिलो सफलता हासिल गरेको हो।
