जेनजी युवाहरुले अख्तियार दुरुपयोग अनुसन्धान आयोगका प्रमुख आयुक्त प्रेम कुमार राईको राजीनामा माग गर्दै आज टंगालस्थित अख्तियार मुख्यालय अगाडि प्रदर्शन गरेका छन्।
प्रदर्शनलाई लक्षित गर्दै सुरक्षाकर्मीको तैनाथी बढाइएको थियो। प्रदर्शनका क्रममा सहभागी अमित खनाल ओझाले नैतिकताको आधारमा प्रमुख आयुक्त राईले तत्काल राजीनामा दिनुपर्ने माग गरेका छन्।
जेनजी युवाहरुले यसअघि नै तत्कालीन प्रधानमन्त्री केपी शर्मा ओलीको पालामा नियुक्त ५२ जना संवैधानिक पदाधिकारीहरुको नियुक्ति खारेज गर्नुपर्ने माग गर्दै आएका छन्।
