कैलालीको धनगढीबाट लागूऔषधसहित तीन जना पक्राउ परेका छन्। शुक्रबार धनगढी उपमहानगरपालिका-१३ झलारीगाउँ एयरपोर्ट नजिकबाट २३ वर्षीय भुवन राना, २३ वर्षीय कल्पना चौधरी र धनगढी उपमहानगरपालिका-११ का २५ वर्षीय जिवन चौधरीलाई प्रहरीले नियन्त्रणमा लिएको हो।
प्रहरीका अनुसार पक्राउ परेकाहरूको साथबाट ५२० मिलिग्राम लागूऔषध खैरो हेरोइन बरामद गरिएको छ। उनीहरूलाई प्रहरी चौकी कैलालीगाउँबाट खटिएको टोलीले पक्राउ गरेको जनाएको छ।
प्रहरीले आवश्यक कारबाहीका लागि थप अनुसन्धान अघि बढाइरहेको छ।











