गोदावरी नगरपालिका–५, गेटास्थित भित्री सडकमा विद्यालयको बसले ठक्कर दिँदा एक विद्यार्थीको मृत्यु भएको छ। कञ्चनपुरको कृष्णपुर–४का १३ वर्षीय अनुप महरालाई विद्याभूषण पब्लिक स्कुलको से १ क ११८२ नम्बरको बसले साइकल चलाइरहेको अवस्थामा ठक्कर दिएको प्रहरीले जनाएको छ। उक्त बस ४४ वर्षीय पतिराम डगौरा चलाइरहेका थिए।
ठक्करपछि गम्भीर घाइते भएका महरालाई उपचारका लागि धनगढीस्थित मायामेट्रो अस्पताल पुर्याइए पनि चिकित्सकहरूले उनलाई मृत घोषणा गरेका छन्।घटनापछि बस चालकलाई प्रहरीले नियन्त्रणमा लिएर सवारीसाधनसहित आवश्यकीय अनुसन्धान अघि बढाएको जनाएको छ।










