कैलाली – जिल्ला प्रहरी कार्यालय कैलालीको टोलीले धनगढीबाट लागुऔषधसहित पाँच जनालाई नियन्त्रणमा लिएको छ।
प्रहरीका अनुसार शुक्रबार साँझ करिब साढे ५ बजेतिर प्रहरी बरिष्ठ नायब निरीक्षक लोकेन्द्र बहादुर चन्दको कमाण्डमा खटिएको टोलीले धनगढी उपमहानगरपालिका-१ शिवनगरस्थित टिकटक पुल नजिकबाट उनीहरूलाई पक्राउ गरेको हो।
पक्राउ परेकाहरूको साथबाट ३ ग्राम ६०० मिलिग्राम चरेश जस्तो देखिने कालो पदार्थ तथा ३५ ग्राम हरियो गाँजाको पात बरामद गरिएको जिल्ला प्रहरी कार्यालय कैलालीले जनाएको छ।
पक्राउ पर्नेहरूमा धनगढी-१५ का ३० वर्षीय रामस्वरुप राना, धनगढी-८ का ५६ वर्षीय शेरबहादुर चौधरी, कैलारी गाउँपालिका-५ का २५ वर्षीय शिवा चौधरी, कञ्चनपुरका २० वर्षीय रोशन राना तथा भारतको लखिमपुर खिरी निवासी २६ वर्षीय महोमद आसीप रहेका छन्।
प्रहरीले उनीहरूलाई नियन्त्रणमा लिएर थप अनुसन्धान भइरहेको जनाएको छ।
