२२ कात्तिक । दाङमा हतियार सहित एक जना पक्राउ परेका छन् । पक्राउ पर्नेमा लमही नगरपालिका –.३ बनगाँउको हरियाली टोल निवासी ४० वर्षका गणेश कुमाल रहेको जिल्ला प्रहरी कार्यालय दाङका डीएसपी इश्वर थापाले जानकारी दिनुभयो ।
कुमालको घरबाट भरुवा बन्दुक, नाल, १३५ थान छर्रा, २९ थान गोली बरामद गरेको प्रहरीले जनाएको छ । गोप्य सूचनाको आधारमा गएको प्रहरीले कुमाललाई हतियार सहित पक्राउ गरेको हो । पक्राउ परेका विरुद्ध हातहतियार सम्बन्धी खरखजना मुद्दा दर्ता गरेको प्रहरीले जनाएको छ ।
