सङ्घीय संसद् राष्ट्रिय सभाको बैठक आज (बुधबार) दिउँसो १:१५ बजे नयाँ बानेश्वरस्थित संसद् भवनमा बस्ने भएको छ। बैठकमा सञ्चार तथा सूचना प्रविधिमन्त्री पृथ्वीसुब्बा गुरुङले चलचित्र विधेयक २०८१ लाई दफावार छलफलका लागि विधायन व्यवस्थापन समितिमा पठाउने प्रस्ताव सभामुख समक्ष पेश गर्ने कार्यसूची रहेको छ।
त्यस्तै विकास, आर्थिक मामिला तथा सुशासन समितिका सभापति कमला पन्तले नेपालको अतिकम विकसित राष्ट्रबाट विकासशील राष्ट्रमा स्तरोन्नतिसम्बन्धी अध्ययन प्रतिवेदन, २०८१ माथि छलफल गरियोस् भन्ने प्रस्ताव पनि प्रस्तुत गर्नेछिन्। बैठकमा यी दुई प्रस्तावहरूलाई लिएर विस्तृत छलफल हुने अपेक्षा गरिएको छ।
