राष्ट्रपति र नेपाली सेनाको आह्वानमा जेन–जी आन्दोलनले भर्चुअल छलफल सुरु गरेको छ। बुधबार बिहानदेखि सुरु भएको उक्त छलफलमा अहिले ४ हजारभन्दा बढी जेन–जी सहभागी छन्।
छलफलमा आधिकारिक वार्ता टोली कसले प्रतिनिधित्व गर्ने भन्ने विषय मुख्य एजेन्डा बनेको छ। साथै वार्तामा के–के माग प्रस्तुत गर्ने भन्नेबारे पनि सहभागीहरूबीच बहस भइरहेको छ।
उनीहरूले संसद विघटन ६ महिना देखि बढीमा १ वर्षभित्र निर्वाचन, प्रत्यक्ष निर्वाचित प्रधानमन्त्री लगायतका विषयलाई वार्ताको एजेन्डामा राख्ने तयारी गरेका छन्। प्रधानमन्त्रीको कार्यकाल ४–५ वर्ष मात्रै हुने वा एक व्यक्तिले बढीमा दुई कार्यकाल (८–१० वर्ष) सम्म मात्र प्रधानमन्त्री बन्न पाउने प्रस्ताव पनि छलफलमा आएको छ।
यस्तै आधिकारिक प्रतिनिधि कसलाई मान्ने भन्नेबारे अनिश्चितता रहेकाले अर्को समूहले गुगल मिटमार्फत पत्रकार सम्मेलन गर्ने तयारी गरेको छ।
