भारतको महाराष्ट्र ठाणे जिल्लाको कल्याण पूर्वस्थित खडवली क्षेत्रमा एक अपरिचित नेपाली पुरुषको शव फेला परेको छ।
१२ सेप्टेम्बर २०२५ मा खडे गोलवलीमा अर्जुन चक्र बहादुर खत्री (थापा) नामका नेपाली नागरिक लावारिस अवस्थामा मृत भेटिएका हुन्। तर मृतकको नेपालस्थित ठेगाना खुल्न बाँकी छ।
खडक पाडा प्रहरी चौकीका उपनिरीक्षक विजय भालेरावका अनुसार प्रवासी नेपाली सम्पर्क मंचले मृतकको पहिचानका लागि सार्वजनिक अपिल गर्दै परिवार पत्ता लगाउने प्रयास गरिरहेको छ।
क्यूआरटी प्रमुख रोकायाले यदि कसैले मृतकलाई चिनेमा तत्काल राज रोकायासँग ७३८५२१२४१४ मा सम्पर्क गर्न अनुरोध गरेका छन्।
संस्थाले मृतकको पहिचान र परिवारलाई खबर पुर्याउनका लागि यो जानकारी सक्दो सेयर गर्न सबैमा आग्रह गरेको छ।
