कैलालीको अत्तरियाबाट साढे ७ किलो चरेससहित चार जना पक्राउ परेका छन्। शुक्रवार साँझ गोदावरी नगरपालिका-२ अत्तरियास्थित नमस्ते अन्नपूर्ण होटलबाट चरेस बरामद गरिएको इलाका प्रहरी कार्यालय मालाखेतीले जनाएको छ।
पक्राउ पर्नेहरूमा बझाङ छबिसपाथिभेरा-७ का २८ वर्षीय बमबहादुर धामी,छबिसपाथिभेरा-५ का ४२ वर्षीय जनक जाग्री,सुर्मा-३ का २५ वर्षीय अमृत बोहरा,दार्चुला महाकाली-२ का ५० वर्षीय रूपसिंह सितोली रहेका छन्।इलाका प्रहरी कार्यालय मालाखेतीका डिएसपी रणबहादुर चन्दका अनुसार उनीहरूको साथबाट चरेससँगै डिजिटल तराजु पनि बरामद गरिएको छ।
विशेष सूचनाको आधारमा डिएसपी चन्दको नेतृत्वमा खटिएको प्रहरी टोलीले होटलबाट उनीहरूलाई नियन्त्रणमा लिएको हो। पक्राउ परेकाहरूमाथि लागुऔषध सम्बन्धी मुद्दामा आवश्यक कारबाही अघि बढाइएको प्रहरीले जानकारी दिएको छ।
