कञ्चनपुरमा लागुऔषधसहित ३ जना पक्राउ परेका छन्। बेलौरी नगरपालिका-६ महाकाली क्याम्पस नजिक बेलौरीतर्फ आउँदै गरेको सुदूरपश्चिम प्रदेश ०१-०१ ह ५५०५ नम्बरको अटोलाई चेकजाँच गर्ने क्रममा उनीहरू पक्राउ परेका हुन्।
पक्राउ पर्नेमा अटो चालक कैलाली धनगढी उपमहानगरपालिका-३ बोराडाँडीका २७ वर्षीय नरेन्द्र बोहरा, अटोमा सवार धनगढी चौराहाका ३६ वर्षीय प्रेम खत्री र धनगढी उपमहानगरपालिका-१३ राजपुरका ४० वर्षीय चक्रपति गिरी रहेका छन्।
उनीहरूको साथबाट २ ग्राम ५० मिलिग्राम खैरो हेरोइन बरामद गरिएको जिल्ला प्रहरी कार्यालय कञ्चनपुरले जनाएको छ। प्रहरीले अटोसहित तिनै जनालाई इलाका प्रहरी कार्यालय बेलौरीमा राखेर आवश्यक अनुसन्धान अगाडि बढाएको छ।
