नुवाकोट — नुवाकोटको विदुर नगरपालिका–५ स्थित इन्द्रेणीघाट नजिक त्रिशूली नदीमा बाढीले फसेका दुई जनाको उद्धार प्रयास जारी छ। घाँस–दाउरा गर्न गएका उनीहरू आइतबार नदीमा बाढी आउँदा एक रूखमा चढेर बसेका छन्।
जिल्ला प्रहरी कार्यालय नुवाकोटका अनुसार फसेकाहरू दुवै जना एकै परिवारका हुन्। उनीहरूलाई उद्धार गर्न सुरुवातमा खटिएको सानो हेलिकप्टरले सफल प्रयास गर्न नसकेपछि उद्धार टोलीले ठूलो हेलिकप्टर प्रयोग गरिरहेको छ।
हाल उद्धार कार्य तीव्र गतिमा भइरहेको प्रहरी स्रोतले जनाएको छ। त्रिशूली नदीमा आएको आकस्मिक बाढीका कारण स्थानीयवासी तथा प्रशासन सतर्क रहेका छन्।
स्थानीय प्रशासनले नदी आसपासका क्षेत्रमा सावधानी अपनाउन अनुरोध गर्दै थप जोखिम न्यूनीकरणका उपायहरूमा समेत ध्यान दिएको छ।
